Feb 13, 2016

Анвар Каримов "Озодлик" радиосида: Иғволарга нисбатан даъволар киритишга ҳаракат қиламиз

Анвар Каримов "Замондош" порталининг бош муҳаррири
Ўзбекистонлик таниқли журналист Галима Бухарбоева томонидан тухматда айбланиб Голландия судига берилган "Замондош" нашри Бухорбоева даъволарини рад этди.

Uznews.net сайтига раҳбарлик қилган Галима Бухарбоева, "Замондош" ни муттасил туҳмат материаллар эълон қилиб келганликда айблаб, раддия берилишини ва моддий товон тўланишини талаб қилмоқда.

Feb 12, 2016

Тезкор хабар!!! Ўзбекистон Халқ Ҳаракати "изларни супуряпти!" (uznews.net сайти эгаси ва мухолифатчи Муҳаммад Солиҳ билан жанжали юзасидан)

Тезкор хабар!

Ўзбекистон Халқ Ҳаракати uzxalqharakati.com сайтининг ўзбек ва рус тиллардаги бўлимларидан  олинган журналист Галима Бухарбаевага оид мақолаларни ушбу сайт эгалари ўзларида мавжуд бўлган материалларни яширишга уринишаётгани кузатилмоқда.

Ўзбекистон Халқ Ҳаракати раҳбари ва Галима Бухарбаева ўртасидаги одамлар кўз ўнгида йиллар бўйи давом этган жанжал тафсилотлари ёзилган материаллар эндиликда кўздан яширилган.

Ўзбекистонликларга эски паспорт билан ватанга қайтишга рухсат берилди

Ўзбек тилида юритиладиган оммавий ахборот воситалари BBC, "Озодлик" радиолари, Zamondosh ва бошқа қатор сайтларнинг Ўзбекистон фуқаролари ҳақ-ҳуқуқлари учун биргаликда мунтазам эълон қилиб борган мақола ва хабарлари, ўқувчи ҳамда тингловчиларнинг фикру мулоҳазалари ўз натижасини берди.

Саид АСКАР: Бухарбаева ва Uznews.Net диктатор Каримов олдида тиз чўкишди

Гўёки "мустақил" ва "блокировка"
http://uzxalqharakati.com/archives/23631
қилинган” Uznews.Net сайтидаги исломофоблар, хусусан, нашрнинг бош муҳаррири Галима Бухарбаева диктатор Ислом Каримов олдида тиз чўкишди.

2014 йил 11 февраль куни Uznews.Net сайтида эълон қилинган “Ислам Абдуганиевич, надо встретиться в Праге” (“Ислом Абдуғаниевич, Прагада учрашишимиз керак”) мақоласида Галима Бухарбаева Андижон қатлиомининг бош ташаббускорига юзланиб, ўзи ва Ўзбекистон ҳуқуқбонлик ҳаракатининг вакиллари билан Прагада учрашиш ҳақида ёлворган.

Ўзбекистонда суд-тиббиёт экспертизалари ғариб аҳволда

Шу кунларда жиноят ишлари бўйича Қашқадарё вилояти судининг судлов ҳайъати томонидан 13 нафар милиция ходими ва икки нафар фуқарога нисбатан чиқарилган суд ҳукми аппеляция тартибида кўрилмоқда. Жиноят ишининг асосий мотиви Қарши шаҳар ИИБ жиноят қидирув бўлими ходимларининг гумондорни сўроқ қилиш жараёнларида уларнинг орқа чиқарув тешигига тезина таёқ (дубинка) тиқиб, қийнаганидан иборат.

Судлов ҳайъатининг муҳокама жараёнлари Қашқадарё вилояти суд тиббиёт экспертизаси эксперти А. Баратовнинг хулосалари туфайли боши берк кўчага кириб қолди.

Сафар Бекжон: "Эй ўзбек амалдорлари, Швейцария катта холангизни уйи эмас".

Халқаро аҳамияга молик пул ювиш жанжали куни кеча бошланди. Ўзларини "SWISSLEAKS" деб атаяпган гуруҳ Швейцариянинг HSBC банкасидa диктаторлар, наркомафия, террористлар пулларини ювганлиги ҳақидаги ҳужжатлар халқаро матбуот ва мутахассисларга интернет орқали тарқатилди.

Бу банка ҳақида олдин ҳам бир неча давлат раҳбарларини ўз ичига олган пул ювиш ҳақидаги ҳужжат эълон қилинганди. Франция, Испания ва Грециядан ноқонуний йўллар билан HSBCда ювилган катта миқдордаги пуллар музлатилиб қўйилганди.

'Гулноранинг пуллари' Ўзбекистонга қайтариладими?

Нью-Йорк маҳкамаси музлатилган пулларнинг тақдирини бевосита АҚШ билан муҳокама этиш учун Ўзбекистонга йўл очиб берган. АҚШ талаби билан коррупция терговлари юзасидан 300 миллион доллардан ортиқ маблағ турли банкларда ҳамон ҳибс қилинган.

Ўтган йили июн ойида АҚШ Адлия департаменти ҳибс этилган маблағларни ўз тасарруфига ўтказиш учун қонуний чора кўришни бошлаганди. АҚШ мулозимлари музлатилган маблағнинг коррупция тўловларини ювиш билан боғлиқ халқаро даражада уюштирилган фитнанинг бир қисми бўлганини даъво қилдилар.

[HR-Uzbekistan] Ўзбекистонда қонунсизлик, ногирон, бева-бечораларни ноҳақ эзиш қачонгача давом этади?

Ўзбекистонда ахолининг ижтимоий ҳимояга муҳтож қатлами ногиронлар, ёлғиз оналар, боқувчисини йўқотган болалар, хукумат ғамҳўрлиги остида дея бонг урилади. 12 йилдирки 2 гуруҳ ногирони ва ёлғиз она сифатида иқтисодий қийинчиликларни бошдан кечириб келишимга қарамай, бирор мушкулим енгил бўлганини билмайман.

Қайтанга 4 йиллик мен ва 2 нафар боламга тегишли бўлган маҳаллалардан ўз нархида бериладиган ун ва ёғ маҳсулотларидаги улушимизни ҳам кимлардир ҳазм қилиб юрибди.

Feb 11, 2016

Исмат Хушев: Генерал Усмонов – Мирзиёевнинг навбатдаги қурбони…

Убайдулла Ёмонқулов ҳам худди шу йўл билан йўқ қилинган эди.

Ўзбекистон Олий раҳбариятидаги бу сиёсий ўйинлар нимадан далолат беради?

“Элим деб, юртим деб ёниб яшаганлар”нинг аччиқ ва аянчли қисмати

Муҳожиротдаги ўзбек журналисти шарҳи

1.

Мен генерал Усмоновни кўрмаганман, танимайман.

Экспертиза тўғри хулоса берди, лекин суд буни инобатга олмади

Қонунчиликда эксперт тушунчасини таърифлашда асосий эътибор шахснинг турли соҳаларда зарур билимларга эгалигига қаратилади. Бизга маълумки, ЖПКда махсус билимлар тушунчаси кўрсатилмаган, эксперт ҳам зарур билимлар тушунчаси ёрдамида ифодаланган.

Шу ўринда зарур билимга эга бўлган шахслар ҳамда махсус билимлардан фойдаланадиган шахслар тушунчаларини фарқлаш нуқтаи назаридан ўрганиб чиқиш лозим.

Озода Нурсаидова: Кечаги ҳийлалар бугун ўтмайди

Қани меҳрли сўзлар,

Қайда қандрдон кўзлар,

Ҳамма оқибат излар,

Одамлар кечагимас...

Радиода таралаётган қўшиқдаги ушбу сатрлар чиндан ҳам кишини фикрлашга ундайди. Кимдир бугун замон ўзгарди деса, яна биров эса одамлар ўзгарганини айтади. Менимча, замон ўша-ўша, фақат одамлар кечагимас. Хонанда Озода Нурсаидованинг мазкур «Одамлар кечагимас» таронаси бугунги кунда тобора унутилиб бораётган соф туйғуларни ифода этган, десак муболаға бўлмас.

Ҳиндистондан мактуб

Доллар топа олмай яна Деҳлига қайтдим

Мен энди 33 ёшга кирдим.Жигар хасталиги билан шикоят қиламан.2015 йил март ойида қорним шишиб 10 кун уйда қийналиб юрдим.Ота-онамнинг қистови билан Тошкент шаҳридаги 7-сон шифохонада текширувлардан ўтдим.Тошкент шаҳридаги вирусология институтидан қўшимча текширувлардан ўтиб келдим.Уз.Р ССВ Вирусология ИТИ клиникаси консультатив диагностика булими маъмуриятига мурожаат қилдим.

Кал Товуқ (ҳажвия)

Камина катта ёзувчи эмас, шунинг учун адабиётни қуюшқонида ўтириб ёза олмайман. Ўшанга  баъзида изидан чиқиб кетса маъзур тутинг. Ҳангомамни  пессонажини  (персонаж ҳам дейишарди шекилли) қанжиғой қўяй дедиму, кейин йўқ унда у тасқара нусхага бу иззату ҳурмат, шону шуҳрат, қудрату умид бағишлайдиган бир эътибор белгиси бўлар экан, деган андиша билан калтовуқ, деб атадим. Кал Товуқ атаганим боиси пати юлиниб, қўйиб юборилганда қаққиллаб бораётганини ҳамма кўрган. Унда мия бор аммо ақл ҳуш йўқ. Мияси ўзига яраша: товуқмия.

Хуллас, КалТовуқ ватан-катакдалик пайти бир водийлик хўрозга ишқи тушиб қолган экан. Товуқ уни излаб, Анжан томонларга борганда патларини юлиб, аллақаеридан дарча очиб қувлашибди.

Feb 10, 2016

Насрулло Саййид: Биз туғилган йил...

Ушбу сурат собиқ Ўзбекистон ССРнинг пойтахти Тошкент шаҳрида олинган. Суратдаги тўкин дастурхон ўша йили Тошкентга ташриф буюрган КПСС МКнинг бош котиби, собиқ СССР империясининг раҳбари Никита Сергеевич Хрущёв шарафига ёзилган эди…

Бу -1958 йил. Бу ўша- ҳамюртларимиз Юсуф Жума, Акмал Саидов, Исмат Хушев, Сирожиддин Саййид, Ризо Обид, Абдулқосим Мамарасулов, Обид қори Назаров, Абдужалил Бойматов, Анвар қори Турсунов ва мен ҳам туғилган йил.

Исроилжон Холдоровнинг тақдири не кечди, у "раскрутка" қилиндими?

Ўзбекистон Республикасининг шахсни қамоқда ушлаш, озодликдан маҳрум қилиш борасидаги қонун ҳужжатларида, шунингдек, мамлакат парламенти томонидан ратификация қилинган халқаро ҳуқуқий нормаларда қамоқ муддати тугаган шахснинг бир дақиқа ҳам ҳибсда ушлаб турилмаслиги таъкидланган. Худди шу нормага амал қилинса, айни кунда андижонлик ҳуқуқ фаоли, “Эрк” демократик партиясининг Андижон вилояти бўлими раиси Исроилжон Холдоров ҳозирги кунда озодликда бўлиши лозим эди.

Фуқаролик жамияти вакиллари "катта сиёсат"нинг қурбонига айланиши мумкин!

Ҳамманинг кўнглини олмоқчи бўлган киши,
ҳеч кимнинг кўнглини ололмайди.
Афлотун
Бир қатор оммавий ахборот воситаларида АҚШнинг мамлакатимиздаги элчиси Памела Спратленнинг  9 февраль куни ўтказган матбуот анжуманидаги гаплари — Ўзбекистондаги мажбурий меҳнат ҳолатлари борасидаги илиқ сўзлари эълон қилинди. Элчи хонимга кўра, АҚШ ҳукумати Ўзбекистонда мажбурий меҳнатни бартараф қилиш борасидаги ижобий натижалардан жуда ҳам мамнун. Спратлен хонимга кўра, шу йилнинг 19 январь куни Вашингтонда ўтган Ўзбекистон-АҚШ маслаҳатлашувларидан сўнг шундай хулосага келинган.

Банкротлик остонасидаги ўйлар

ТАДБИРКОР МИНБАРИ: МЕНИ БАНКРОТ ДЕБ ТОПИШИНГИЗНИ СЎРАЙМАН

Хусусан, “Бозорлар ва савдо комплекси фаолиятини назорат қилиш бош бошқармасининг «қисқа муддатли текшириш ўтказиш тўғрисида»ги буйруғига асосан менга тегишли бўлган Бахт шаҳри, “Бахт савдо мажмуаси” худудида жойлашган В-блокдаги №64-сонли савдо дўконида яъни менга нисбатан рахбарлигимда бўлган “ЯТТ Мўминова Мастура Хайдаровна ” да текшириш ўтказилиб, солиқ органлари томонидан менга нисбатан Ўз.Респ. МЖтКнинг 164-моддаси 1-исми ва 166-моддаси 1-қисми билан МЖтКнинг 34-моддасига асосан 96.105 сўм маъмурий жарима жазсоси тайинланган ва далилий ашё деб олиб қўйилган 13 турдаги умумий қиймати 1.346.600 сўмлик товарлар ноқонуний тарзда давлат фойдасига мусодара қилинган.

Тадбиркор яна иш бошламоқчи

Бекободлик ишбилармон Мавлон Бўтаев уч йилгача тадбиркорлик қилиш ҳуқуқидан маҳрум этилган эди...

Тадбиркор фаолияти давомида хеч қандай жиноий харакатга қўл урмаганлигини бир йиллик товаробороти миллиард сўмни ташкил этишини ва хамиша банкдаги ҳисоб рақамига маблағларини кирим қилиб, солиқ ва бошқа тўловларни ўз вақтида амлага ошириб келганлигини таъкидлайди. Лекин шунга қарамай Бекобод тумани давлат солиқ инспекцияси ходимлари унга нисбатан жиноий даромадни легаллаштириш айбини қўйиб, унинг омборхонасидаги товарларни нархини ошириб кўрсатиш йўли билан тадбиркорни айбдор қилишга муваффақ бўлишган.

Бир фожеа тарихи: Суддан садо чиқмагач...

ҚУРЪОНИ КАРИМда (Бақара сураси, 228-оят) насл-насабни аралаштирмаслик ҳақида ОЛЛОҲ кўрсатмаси мавжуд бўлса-да, бунга риоя этмаслик инсониятга мусибат келтирувчи, ОЛЛОҲ томонидан ҳаром этилган (Нисо сураси, 23-оят) никоҳларга олиб келиш хавфини солса-да, Совет даврида туғруқхоналарда чақалоқлар алмашиб қолиши кам рўй берувчи ҳодиса бўлган эмас.

Нима мақсадда насл-насабни аралаштириш уюштирилган бўлиши мумкинлигини тафаккурга сиғдириш мумкин.

Feb 9, 2016

Ҳайдалган ҳокимдан қутулганлик учун ош қилинди

Ўзбек маҳаллий интернет нашрларидан бирининг хабар беришича 6-7 февраль кулари Тошкент вилоятининг барча туман  маъмуриятларида вилоят ҳокими Аҳмад Усмоновнинг бундан икки кун аввал лавозимидан четлатилгани муносабати билан палов тортилган.

Ошга йиғилганлар сиртдан бўлсада унинг қилмишлари ҳақида қандай ўйда бўлсалар шундайлигича очиқчасига гапирганлар. Истеъфодаги генералнинг сўконғичлиги, муштумзўрлиги, қўл остидагиларни камситиши ва ҳақоратлар қилиш каби иллатларини эсга олиш баробарида, уларнинг арзу додини эшитиб чора кўрган мамлакат президентини олқишлаганлар.
Аввалгилар Бош саҳифа